- Tíðindi, mentan og ítróttur
Tvøroyrar býráð mótmælir at helvtin kann landast uttanlands
Tvøroyrar býráð mótmælir at helvtin kann landast uttanlands
Kristin Michelsen, borgarstjóri, hevur biðið um fund við Fiskimálaráðið, nú ætlanin er at broyta sjófeingislógina
Broytingin í sjófeingislógini kann hava við sær, at Suðuroyggin missir enn fleiri inntøkur, og at fleiri flyta av oynni, sigur Kristin Michelsen, borgarstjóri. (Savnsmynd)
03.02.2025 - 13:21
Tvøroyrar býráð mótmælir, at sjófeingislógin verður broytt, soleiðis at skipini sleppa at landa helvtina av veiðuni uttanlands.
Eitt samt býráð mælir staðiliga til at halda fast um verandi orðing í løgtingslóg um sjófeingi, har tað er ásett, at øll veiða hjá føroyskum skipum skal landast og avreiðast um bryggjukant í Føroyum. Tó kunnu 15 prosent av veiðuni fyri hvørt fiskaslag landast og avreiðast uttanlands.
Kristin Michelsen.
Kristin Michelsen, borgarstjóri, er argur um, at uppskotið kemur frá Dennisi Holm, landsstýrismanni, og hann hevur biðið um fund við Fiskimálaráðið.
Hoyr innslag í útvarpstíðindunum:
03022025_Kristin
Er kopiera
Nýggjastu sendingar í ÚV
Nýggjastu sendingar í SV
