Fleiri fólk skotin við svenskan skúla

Fólk verða biðin um at halda seg burtur frá skúlanum í Örebro í Svøríki, har svenska løgreglan váttar, at fleiri fólk eru skotin. 

Svenskir fjølmiðlar skriva, at sjúkrahúsið í økinum hevur flutt sjúklingar, fyri at geva pláss fyri teimum, sum hava fingið skaða í skottilburðinum. 

Svøríki, Svenska løgreglan

Svenski løgmálaráðharrin, Gunnar Strömmer, sigur við svenska kringvarpið, at tað, ið er hent í Örebro, er sera álvarsligt. 

- Løgreglan er á staðnum, og stjórnin er í tøttum sambandi við løgregluna um, hvussu støðan útviklar seg, segði hann.

Svøríki, Svenska løgreglan

Upprunaliga bleiv sagt, sambært DR, at fimm fólk vóru skotin.

Síðani bleiv talið dagført til fýra. 

- Fólk eru í lívsvanda, segði eitt tíðindatalsfólk hjá svensku løgregluni.