Gleða seg til vetrarferiu

Næmingarnir í Kollafjarðar skúla gleða seg at fáa frí restina av vikuni. Men tey halda ikki at foreldrini eru eins glað fyri vetrarferiuna.

Foreldrini, sum Kringvarpið hevur tosað við, halda, at tað hevði verið betri um vetrarferian var í eina heila viku í staðin fyri bert tríggjar dagar.

Tey vísa eisini á, at hjá summum foreldrum kann tað vera ringt, at fáa tað at hanga saman, tí tey ikki hava møguleika at taka frí saman við børnunum.

Fríðbjørg Sunadóttir Fríðheim, varaskúlastjóri í Kollafjarðar Skúla, undrast eisini um, at vetrarferian er tríggjar dagar.  

Jákup Dam, sum er lærari, er samdur. Hann heldur hetta er hvørki fuglur ella fiskur.