Eitt ár síðan Aleksej Navalny doyði

Eitt ár síðan Aleksej Navalny doyði
Bæði í Moskva og Berlin minnast fólk russiska andstøðingin, sum doyði brádliga í eini fangalegu í Sibiria
Aleksej Navalny varð roknaður sum ein av størstu fíggindum hjá Vladimir Putin. Í dag er eitt ár síðan hann doyði
Mynd: Savnsmynd  
 
16.02.2025 - 15:15

Í dag er eitt ár síðan russiski andstøðingurin Aleksej Navalny doyði í eini fangalegu í Sibiria.

Navalny, sum bleiv 47 ár, var ofta atfinningarsamur móti russiska forsetanum Vladimir Putin og hansara stýri, og tá hann í 2020 bleiv eitraður við nervaeiturinum Novichok, hildu nógv, at tað var orsakað av hansara atfinningum móti russiska valdinum.

Í 2021 fór Aleksej Navalny av egnum vilja til Russlands, og har varð hann handtikin, so skjótt hann setti fótin á land. Eftir tað fekk hann fleiri ymsar fongsulsdómar - tann seinasti var uppá 19 ár fyri ekstremismu.

Í desember 2023 hevði eingin frætt nakað frá honum í fleiri vikur, og eingin visti veruliga hvar hann var, inntil tað kom fram, at hann var fluttur til eina fangalegu í Sibiria. Har doyði hann brádliga 16. februar í 2024.

Í dag minnast fólk Aleksey Navalny í Moskva, har blómur verða lagdar við grøvina hjá honum, og einkjan Yulia Navalny, sum býr uttanlands, skrivar á X, at hon í dag er í Berlin, har hon saman við øðrum er við í minningarhaldi fyri Aleksej Navalny.

Er kopiera
Nýggjastu sendingar í SV
Leygardag 12. apríl
Sement 2025: 2.umfar (2:3)
190653
Fríggjadag 11. apríl
KAKUMiKS (3:7)
190561
Fríggjadag 11. apríl
Dagur og vika - teknmálstulkað
190594
Fríggjadag 11. apríl
Veðrið
190617
Hósdag 10. apríl
Útilív 4:6
190570