Nú verður heilsutrygdargjaldið afturrindað

Súsanna Bertholdsen, landsstýriskvinna í heilsumálum, hevur nú lagt lógaruppskot  fyri tingið, um heimila Heilsutrygd at afturrinda heilsutrygdargjald

Málið snýr seg um, at fólk, sum hava rindað til eina sosiala skipan í øðrum landi, eisini hava rindað til heilsutrygd. Tað hava tey ikki skyldu til sambært "Nordisk konvention om social sikring"

Í 2013 kærdi ein borgari hetta, og kravdi at fáa sítt gjald til Heilsutrygd afturgoldið. 

Les uppskotið her.

Heilsutrygd royndi málið í rættarskipanini, men í 2024 bleiv endaliga staðfest, at Heilsutrygd skal rinda heilsutrygdargjald aftur til tey, sum lúka treytirnar, og sum søkja um at fáa gjaldið afturrindað.

Sambært Taks er talan um 1.293 persónar, sum hava rætt til at fáa tilsamans góðar 22,3 milliónir krónur aftur frá Heilsutrygd.

Hoyr innslag í útvarpstíðindunum: