Tað er hart men tað ber til

Fimleikarin Astrið Nanly Breckmannn og hondbóltsspælarin Anna Elisabeth Halsdóttir Weyhe brúka nógva tíð til ítróttin, samstundis sum tær taka miðnámsskúlaútbúgving. 
Astrið og Anna Elisabeth ganga báðar á Glasi í Havn, og Astrið hevur valt at taka miðnámsútbúgvingina í fýra ár fyri at fáa størri rúmd til ítróttin. 
– Tað er hart og strævið, men tað ber til, og tað ræður um at nýta tíðina, sum er tøk til familju og vinir, væl, tí eingin megnar eitt lív, sum er seriøst alla tíðina, sigur Astrið Nanly Breckmann. 
Anna Elisabeth Halsdóttir Weyhe var við á hondbóltslandsliðnum, sum spældi EM-endaspæl í Basel í desember. Hetta tíðarskeiðið kravdi ítrótturin mest sum alt av henni.
– Tað var sera strævið, men tað var eisini stuttligt og avbjóðandi, sigur hon.
Fjórði partur av poddvarpsrøðini Kvinnur í ítrótti, sum snýr seg um elituítrótt og miðnámsskúla, kann hoyrast her.