Frítekst tagging:
- Tíðindi, mentan og ítróttur
Vektlyfting: Gull, silvur og tvey donsk met
Vektlyfting: Gull, silvur og tvey donsk met
Føroysku lyftararnir fingu eitt gull, eitt silvur og tvey donsk met á fyrra kappingardegnum um danmarksmeistaraheitini í olympiskari vektlyfting
Niels Áki Mørk setti tvey donsk met til DM í Olympiskari vektlyfting
Mynd: Føroya Styrkisamband
16.03.2025 - 17:32
Føroysku lyftararnir fingu eitt gull, eitt silvur og tvey donsk met á fyrra kappingardegnum um danmarksmeistaraheitini í olympiskari vektlyfting.
Tað skrivar Føroya Styrkisamband.
Niels Áki Mørk hevði ongan at kappast ímóti í -61 vektflokkinum, so gullið var givið, men harafturat setti hann tvey donsk met. Í trekk lyfti hann 101 kilo, og hóast tað ikki eydnaðist at fáa met í vend og stoyt, rakk samlaða úrslitið upp á 212 eisini til danskt met.
Pól Hendrikkur Andreasen fekk silvur í samlaðu kappingini í -67 vektflokkinum. MYND: Føroya Styrkisamband
Pól Hendrikur Andreasen fekk silvur í trekk í -67 vektflokkinum. Tvey tey fyrstu lyftini vórðu kolldømd, men triðju ferð eydnaðist at lyfta 90 kilo upp um høvd. Í vend og stoyt fekk hann eisini silvur við 116, og tískil fekk hann eisini silvurið samanlagt.
Triði føroyski lyftarin í kappingini er Maibrit Reynheim Petersen, sum kappast í -76 kg vektflokkinum. Tann kappingin verður í morgin.
Er kopiera
Nýggjastu sendingar í ÚV
Nýggjastu sendingar í SV
