Útsagnirnar hjá Trump fylla nógv í hugaheiminum hjá grønlendingum

Arnaq Nielsen vísir á, at fleiri fólk í Grønlandi eru eitt sindur stúrin um framtíðina.

Lars Løkke Rasmussen, danskur uttanríkisráðharri, sigur nú við DR, at amerikanarar fortelja lygisøgur um Grønland.

- Vit kenna okkum ikki aftur í myndini, sum verður søgd í ávísum politiskum umhvørvi í USA, at Grønland er eitt stað, har kinverjar gera stórar íløgur. Eg kenni ikki til nakra tílíka søgu, sum hevur hald í veruleikanum.

Ein onnur søga, sum gongur, vísir Lars Løkke Rasmussen eisini aftur:

- Tað er helst onkur í USA, sum er er byrjaður at skilja, at søgurnar, sum ganga, at grønlendska fólkið stendur við opnum ørmum og vil fegið vera ein partur av Amerika, ikki halda. Henda søgan er følsk. Og tað er gott, at fólk byrja at skilja tað, sigur Lars Løkke Rasmussen.

Arnaq Nielsen, journalistur á Sermitsiaq, sigur, at hon kennir einki til at grønlendingar fegnir vilja gerast amerikanarar.