Her er nýggi stjórin í Almannaverkinum

Hjørdis S. Mortensen verður nýggjur stjóri í Almannaverkinum.

Hon er útbúgvin sjúkrarøktarfrøðingur, og hevur haraftrat samfelagsliga bachelorútbúgving frá lærda háskúlanum í Bergen.

Hjørdis S. Mortensen hevur starvast í Almannaverkinum í 16 ár, og hevur í fleiri ár verið leiðari. Seinasta árið hevur hon verið stjóri í Trivnaðardeplinum. 

Ein av høvuðsuppgávunum hjá nýggja stjóranum verður at fremja bygnaðarbroytingarnar, sum eru settar út í kortið, og sum serliga snúgva seg um at sameina Trivnaðardepilin og Viðskiftadepilin. 

Hjørdis S. Mortensen tekur við starvinum 1. juni.