Elias gull í týsku steypakappingini

Elias Ellefsen á Skipagøtu er týskur steypavinnari.

Føroyski spælskiparin skeyt trý mál, tá THW Kiel tryggjaði sær gullið við 28-23 sigri á Melsungen sunnudagin.

Dysturin var javnur í fyrra hálvleiki, men Kiel var á odda 10-9 í steðginum, millum annað við hjálp frá føroyinginum sum skoraði upp á allar sínar tríggjar royndir.

Talan var um sonevnt final-four vikuskifti. Í gjár vann Kiel sær finaluplássið ímóti Rhein-Neckar Löwen eftir longsa leiktíð.

Tað kemur væl við hjá norðurtýska stórfelagnum at fáa eitt steyp til høldar, tí farna kappingarár var ikki so væleydna.