Ungarn ger aftur grundlógarbroytingar

Parlamentið í Ungarn samtykti í dag, mánadagin, eina grundlógarbroyting við greiðum meiriluta, sum millum annað bannar almennum LGBT+ tiltøkum og staðfestir, at landið bert viðurkennir tvey kyn: mann og kvinnu.

Hetta skrivar The Guardian.

140 tingfólk atkvøddu fyri uppskotinum, meðan 21 atkvøddu ímóti.

Avmarkingarnar koma oman á ungarska bannið móti Pride-skrúðgonguni í høvuðsstaðnum í landinum, Budapest, í seinasta mánað.

Hetta er 15. grundlógarbroytingin í Ungarn í 15 ár.