Tita eitur nýggja matstaðið í Norðurlandahúsinum

Tjóðhild Patursson hevur altíð verið sera hugtikin av mati og mentanini rundan um matin. Og millum annað hetta hevði við sær, at hon fyri tveimum árum síðani læt upp matstaðið 'Ástaklokkan'.

Tita

Nýggja matstaðið í Norðurlandahúsinum, ið eitur Tita, skal vera eitt fólksligt matstað, sigur Tjóðhild. Fyri hvønn dag verður ein føst matskrá á middegi, og tú skalt ikki bíða eftir matinum. Leygardagar verður málbólkurin barnafamiljur, og sunnudagar verður borðreitt við sunnudagsdøgurða.

Tita letur upp leygardagin, og opið verður hvønn dag frá klokkan 10 til 16, eins og Tita eisini hevur opið, tá ið tiltøk eru í Norðurlandahúsinum.

Tú kanst hoyra samrøðuna við Tjóðhild Patursson her: