Syrgja pávan

Klokkurnar ringja í Pristina í Kosovo í dag. Og soleiðis er um allan heimin.

Og í Buoeos Aires, føðibýnum hjá Frans páva, var stór minnismessa.

Pætursplássið í Rom er fult í fólki. Tey byrjaðu at koma úr øllum herðarshornum, beinan vegin, ið deyðsboðini frættust.
 

Kvøldbøn

Klokkan hálgun sjey í kvøld verður kvøldbøn á Pætursplássinum í Rom fyri Frans páva.

Tað boðar eitt talsfólk fyri Vatikanið frá. 

Í kvøld verður líkið av pávanum lagt í eina kistu í kapellinum í Santa Marta, har pávin búði.

Væntað verður, at mikudagin verður líkið av pávanum flutt til Pæturskirkjuna í Rom, har katolikkar og onnur kunnu siga sítt seinasta farvæl við pávan.