Manningin á Polarstjørnini fingið minstuløn part av tíðini

Polarstjørnan kom av aftur bedingsvogninum á Klaksvíkar Sleipistøð fyri hálvari aðru viku síðani. 

Skipið hevði staðið uppi á bedingsvogninum á Klaksvíkar Sleipistøð, KSS, síðani 19. desember í fjør. 

Skipið koppaði á bedingsvogninum, tá ið tað skuldi takast upp.

Eftir drúgva tíð eydnaðist at fáa tað at standa beint aftur á vogninum.

Skipið er síðani umvælt, og 12. apríl eydnaðist at fáa skipið av bedingsvogninum aftur í øllum góðum.

Minstaløn

Í tríggjar av teimum fýra mánaðunum, skipið hevur verið á beding, hevur inntøkutrygginginin partvís tikið við. Tað er minstaløn hjá fiskimonnum, 1275 krónur um dagin. 

Annars hevur bara onkur av manningini havt onkra inntøku.

Hanus Hansen, stjóri í reiðaríðnum JFK, harmast um støðuna.

Manningin fær í mesta lagið útgoldið løn fyri mista inntøku í tríggjar mánaðir. Og hvørki reiðaríðið ella Fiskimannafelagið, har Jan Højgaard, formaður, hava greiðar ætlanir um aðra veiting.

Skipið fer væntandi til fiskiskap í næstu viku, sigur Hanus Hansen, reiðari.