Flogbóltur: Anja og Phil best í ár

Anja Danielsen úr Fleyr og Phil Freere úr Mjølni vóru tey bestu í flogbólti farna kappingarár. 

Phil Freere og liðfelagarnir fóru avstað við bæði FM-heitinum og steypagullinum, meðan Anja Danielsen og tær í Fleyr vunnu FM, men máttu lúta fyri Mjølni í steypafinaluni síðsta vikuskifti, sum setti punktum fyri hesum kappingarárinum.

Boban Ilic úr Mjølni var ársins venjari hjá kvinnum, og Suni Juul Pedersen úr Fleyr fekk sama heiður hjá monnunum.

Ársins stjørnuskot vóru Elisabet Norðoy Vilhelmsen úr Mjølni og Rani Ákason úr ÍF. Ársins dómari var Dávið Ryan.