Nýggi stjórin á skúlanum á Trøðni ætlar at styrkja samstarvið við Sernám

Skúlin á Trøðni hevur fingið nýggjan skúlastjóra. Tað er Fríðbjørg Sunadóttir Fríðheim.

11 umsóknir vóru til skúlastjórastarvið. 

Fríðbjørg Sunadóttir Fríðheim er 53 ára gomul. Hon var útbúgvin lærari á Blaagaard Seminarium í 1997. 

Í 2012 tók hon serlæraraútbúgving á Fróðskaparsetrinum og í 2019 diplom í námsfrøðiligari leiðslu.

Harafturat hevur hon førleikament seg við skeiðum og øðrum í sernámsfrøði og leiðslu.

Í løtuni er Fríðbjørg Sunadóttir Fríðheim varaskúlastjóri í Kollafjarðar Skúla.

"Eg havi eitt stórt ynski um at næmingar á skúlanum á Trøðni eru stoltir av at ganga á skúlanum", sigur nýggi skúlastjórin.

Í skúlanum á Trøðni tekur hon við eftir Jan Christiansen, sum fer frá við eftirløn í heyst.

Jan Christiansen hevur arbeitt á Skúlanum síðani 1982 og hevur verið skúlastjóri síðani 2005.

Í skúlanum á Trøðni eru 60 næmingar 7 til 18 ára gamlir og 45 starvsfólk, lærarar og námsfrøðingar.

Skúlin á Trøðni er einasti serskúli í landinum. 

Hoyr samrøðu við Fríðbjørg Sunadóttir Fríðheim: