Fara nú undir røktarheimið í Hoyvík

Í dag byrjar arbeiðið at byggja røktarheimið í Stórubrekku í Hoyvík.

Elsa Berg, borgarstjóri, setur hakan í seinnapartin.

Articon skal byggja heimið.

Articon og Tórshavnar kommuna gjørdu sáttmála um byggingina fyrst í apríl.

Kostar slakar 300 mió. kr. 

Tilboðið er 296 mió. kr. uttan meirvirðigjald.

Fimm tilboð komu. Articon hevði lægsta tilboðið. 

Metta byggitíðin er tvey ár og átta mánaðir.

Í røktarheiminum í Stórubrekku vera 64 búpláss og dagtilboð til 50 eldri fólk, sum búgva heima.

Harumframt vera 16 røktaríbúðir til einstaklingar og pør.