Grønlendska ferðavinnan gav tríggjar milliardir í fjør

Grønlendska ferðavinnan gav tríggjar milliardir krónur í fjør, skrivar Visit Greenland í tíðindaskrivi.

Hon var 4,9 prosent av bruttotjóðarframleiðsluni.

1800 fólk, seks prosent av teimum, sum arbeiða í Grønlandi, arbeiddu í ferðavinnuni.

Yvir helvtin av teimum trimum milliardunum kom frá útlendskum ferðafólkum.

Visit Greenland heldur fram við arbeiðinum at menna ferðavinnuna. 

Í Føroyum er ferðavinnan 1,6 prosent av bruttotjóðarúrtøkuni, og umsetningurin er eina milliard og 2 milliónir krónur.