Framvegis russisk álop á Ukraina

Russar halda fram við at leypa á Ukraina.

Seinasta samdøgrið hava russisk álop kravt sjey mannalív, og 39 fólk eru løstað.

Tað skrivar miðilin, The Kyiv Independent.

26 av 90 russiskum dronum blivu skotnar niður, upplýsir ukrainska flogvápnið.

Í Kharkiv fingu tvær eldri konur skaða, sigur guvernørurin í landslutinum, Oleh Syniehubov.

Í bygdini Vasuliv Khutir, sum er nærindis Kharkiv, blivu níggju fólk rakt - teirra millum tvey børn. Harumframt hevur álopið í Kharkiv gjørt skaða á 39 trolleybussar, ella tráðbussar.

Russland hevur ikki viðmerkt tíðindini.

Fyrr í dag upplýsti guvernørurin í russiska Kursk-økinum, at í minsta lagi eitt fólk hevði fingið løstir í sambandi við eitt ukrainskt dronuálop í nátt.