Føroya Tele 33 milliónir í avlopi í fjør

Føroya Tele hevði 33 milliónir í avlopi í fjør. Í 2023 var avlopið 20 milliónir. Vit skulu heilt aftur til 2021, at finna eitt betri úrslit hjá Føroya Tele. Tað árið var avlopið 41 milliónir. 

Samstundis letur Føroya Tele eigaranum, Føroya Landsstýri, 35 milliónir krónur í vinningsbýti. Í 2023 fekk landið 30 milliónir í vinningsbýti frá Føroya Tele. 

- Nevndin er sera væl nøgd við gongdina. Vit fegnast um nýggju kósina, sum vit hava sett saman við Kristian Davidsen, samtaksstjóra, ið vendi aftur til Føroya Tele í 2024, sigur Bjarni Arnason, formaður í samtaksnevndini, í tíðindaskrivi.

Eginognin hjá Føroya Tele var slakar 516 milliónir krónur 31. desember 2024.