Hákun gjørdi sítt - rakk ikki til CL-gullið

Hákun West av Teigum skoraði upp á sjey av níggju málroyndum, men tað rakk ikki til Champions League-gullið hjá Füchse Berlin, sum tapti greitt fyri Magdeburg í Köln

Hákun West av Teigum og liðfelagarnir í Füchse Berlin takka viðhaldsfólkunum í stásiligu Lanxess-leikhøllini í Kölní

Mynd: Füchse Berlin

Símun Christian Olsen

15.06.2025 - 18:11

Tað rakk ikki til finalusigur í Champions League hjá Hákuni West av Teigum og Füchse Berlin ímóti Magdeburg í Köln.

Føroyski landsliðsvongurin gjørdi sína skyldu og skoraði sjey mál upp á níggju royndir - fleiri vóru úr rættiliga spískum - men sum heild gekk striltið hjá høvuðsstaðarfelagnum, sum var aftanfyri mestsum allan dystin og tapti 32-26.

Mathias Gidsel fekk ov lítla hjálp frá millum annað Lasse Andersson og Nils Lichtlein í bakketuni, og Mijajlo Mersenic og Max Darj brendu ferð eftir ferð av strikuni ímóti stórspælandi Sergey Hernandez Ferrer í Magdeburg-málinum. Spanski málverjin bjargaði heili 18 av 42 skotum.

20250615-182515-l-4660x3226ma.jpg

Frítekst tagging:

Ítróttur

Hondbóltur

Füchse Berlin

Champions League

Mathias Gidsel og Hákun West av Teigum vóru toppskjúttar hjá Füchse Berlin við sjey málum í part. (Mynd: Leon Kuegeler/Reuters/Ritzau Scanpix)

Hjá Magdeburg gingu íslendingarnir Gisli Thorgeir Kristjansson og Omar Ingi Magnusson fremstir, hvørja ferð Hákun og teir minkaðu um munin, fann Magdeburg røttu loysnirnar í álopsspælinum. Verjan hjá Füchse Berlin fekk í roynd og veru ongantíð steðgað Magdeburg-offensivinum.

Tí gjørdist tað ongin greipa á hesum sinni hjá Hákuni West av Teigum og Füchse Berlin, sum tryggjaðu sær sítt fyrsta meistaraheitið í síðstu viku; Vongurin ferð ivaleyst at gera ein nýggja roynd næsta ár.

hakun_west_2_ok.jpg

Frítekst tagging:

Týska meistaraheitið og Champions League-silvurið. Eitt flott kappingarár fyri Hákun West av Teigum (her eftir hálvfinaluna ímóti Nantes leygardagin).