Kommunur vilja hava heilsudepil á Tvøroyri

Kommurnar í norðaru helvt í Suðuroynni hava biðið landsstýrið um nútímans heilsudepil á Tvøroyri.

Og fundur var um tað á Tvøroyri í gjár.

Landsstýriskvinnan í heilsumálum og embætisfólk úr Heilsumálaráðnum hittu umboð fyri Tvøroyrar kommunu, Fámjins kommunu og Hvalbiar kommunu.

Kommunurnar halda, at Tvøroyri er besta staðið at byggja heilsudepilin.

Kommunurnar gleða seg til at halda fram við opnum og virknum samskifti við Heilsumálaráðið um ætlanina.