Longdin kemur í kunngerðina

Nú er longd sett í kunngerðina um útbúgving til heilsurøktara.

Uppskot er gjørt um kunngerð um útbúgvingarlongdina.

Longdin er 37 mánaðir.

Tó er útbúgvingarlongdin 29 mánaðir, um næmingurin hevur heilsuhjálparaútbúgving frammanundan. 

Hjá teimum, sum byrja fyri 1. august í ár, er longdin framvegis 22 mánaðir.

Sambært Barna- og Útbúgvingarmálaráðnum verður útbúgvingartíðin tillagað eftir krøvunum, sum løggildingin at arbeiða sum heilsurøktari setur.

Uppskotið um kunngerðina er til hoyringar til 14. juli.