Varin við at fegnast um avtaluna í Grønlandi

- Trump kann broyta meining, so orsøk er at stúra, hóast avtala er gjørd, sigur Billa Sondum í Nuuk, sum var ovfarin, tá hon hoyrdi tíðindini um eina avtalu. Hon helt ikki, at arbeiðsnevndin, sum var sett í januar, fór at arbeiða so skjótt. 

- Vit vita ikki, hvat stendur í avtaluni, sigur Billa Sondum, og tí heldur hon, at fólk í Grønlandi eru varin við at fegnast ov nógv um avtaluna. 

Ragnhild í Skorini, sum eisini býr í Nuuk, er tó glað um avtaluna og hon heldur, at fólk í Grønlandi at síggja til, eru minni óttafull nú, enn tey hava verið.

Tíðindini um avtaluna komu fríggjadagin, tá Donald Trump skrivaði um hana á sosiala miðlinum, Truth Social. Hann skrivar millum annað, at fíggindar hjá USA ikki kunnu gera viðkvæmar íløgur í Grønlandi uttan góðkenning úr USA og at USA fer at økja um sítt hernaðarliga virksemi í Grønlandi.

Hoyr samrøðu við Billu Sondum her