Herd krøv til uppihaldsloyvi í Noregi

Norska stjórnin herðir kravið um at duga at tosa norskt úr A1 upp í A2. Stigini eru í felags evropiska karminum fyri mál, og stigin er A1, A2, B1, B2, C1 og C2, har A1 er lægsta stig. Á A2-stiginum kann umsøkjarin tosa einfalt gerandismál og duga at tosa um viðurskifti, sum hava við seg og familju sína at gera, um nærumhvørvið og arbeiði.

Umsøkjarin kann klára seg í einføldum og vanligum samrøðustøðum um kend viðurskifti, um samrøðufelagin tosar spakuliga og greitt, og er fúsur at hjálpa. Nøkur undantøk eru tó til kravið, - eitt nú vaksnar tilflytarar, sum lítla og onga skúlagongd hava, sum hava ongan ella avmarkaðan skrivikunnleika, og eldri fólk.

Nýggju reglurnar koma í gildi 1. september, skrivar norska stjórnin í tíðindaskrivi.