Tað verður loyvt at súkkla í Húsareynstunnlinum

Tað hevur verið eitt sindur av kjaki aftur og fram um hvørt tað skuldi vera loyvt at súkkla ígjøgnum nýggja tunnilin ella ikki.

Tey, sum fegin vilja súkkla, hava funnist at myndugleikanum, sum hevur gjørt av, at hetta ikki skal vera møguligt, meðan onnur hava víst á, at tunnilin er í smalra lagi til at kunna loyva súkklum, og so er tað tann veruleiki, at tað er ikki loyvt at yvirhála í føroysku tunlunum.

Skeltini standa eisini uppi, sum siga, at tað er ikki loyvt at súkkla, men tey mugu nokk niðuraftur, tí sambært Elsu Berg, borgarstjóra, verður loyvt at súkkla ígjøgnum nýggja tunnilin, eisini í døgunum, sum koma.

- Tað eru møguleikar, sum kunnu gera tað møguligt hjá súkklarum at brúka nýggja tunnilin, og teir møguleikarnir skulu brúkast, segði borgarstjórin, tá Kringvarpið fekk orð á hana við Tjarnir eftir at nýggi tunnilin lat upp.

Trýst á leinki og hoyr alt innslagið, sum var í tíðindunum á nátturða í kvøld: