Orðaskiftismetið tikið

Nú hevur viðgerðin um veiðigjøldini tikið metið sum longsta viðgerð um einstakt mál í Altinginum.

Tað hendi tíðliga í gjárkvøldið.

Metið var 147 tímar. 

Tað er frá 2019, tá Altingið viðgjørdi uppskotið hjá ríkisstjórnini um triðja orkupakkan hjá EFTA og ES.

Tá Altingið viðgjørdi Icesave bankan í 2008, vardi orðaskiftið í 135 tímar.

Og viðgerðin um veiðigjaldið heldur fram í Altinginum í dag.

Tá eru sjey røðarar á listanum. 

Hjá einum teirra er talan um røðu nummar 65 um hetta málið.

Altingsfundurin í gjár endaði ikki fyrr enn klokkan var farin av tvey okkara tíð í nátt.