USA setur tiltøk í verk móti Francescu Albanese

- Í dag seti eg í gildi revsitiltøk móti Francescu Albanese, fyri hennara skammiligu royndir at fáa altjóða revsirættin (ICC) at seta tiltøk í verk móti amerikanskum og ísraelskum embætisfólkum, fyritøkum og leiðarum, segði Rubio í gjár.

Rubio svaraði hvassliga aftur atfinningunum hjá Albanese um USA og skuldsetti hana fyri jødahatur og at stuðla yvirgangi.

Hann fanst at henni fyri at hava hótt fleiri amerikanskar fyritøkur, og fyri at mæla ICC til at ákæra fyritøkurnar og stjórarnar.

Albanese hevur verið hvøss í sínum atfinningum móti amerikanska forsetanum, Donald Trump, serliga fyri ætlanina, sum hann í februar kunngjørdi um at yvirtaka Gaza og reka fólkið burtur úr økinum.