Trý ættarlið hava gingið 125 kilometrar runt Bornholm

Bornholm runt er ein gongutúrur, ið telur 125 kilometrar. Og trý ættarlið úr Føroyum hava júst gingið teinin, og tey eru Hansy Brodersen, ið er 70 ár, og døtur hennara - Lilian Kjærbo, 51 ár, og Jenny Kjærbo, 48 ár, Brian Kjærbo, 50 ár og giftur við Jenny, og Tobias Kjærbo, ið er 12 ár og sonur Jenny og Brian.

Hetta var ein vakur túrur og ein stór uppliving, sigur Hansy Brodersen. Ferðin tók tríggjar dagar og fyrsta dagin varð gingið frá Rønne til Allinge, annan dagin frá Allinge til Nexø, og triðja dagin frá Nexø til Rønne. Hon sigur eisini, at hetta eisini er ein sera góð familjuferð.

270 fólk luttóku, har av ein hevði verið við heilt síðani byrjað var at ganga Bornholm runt fyri 47 árum síðani.

Samrøðan við Hansy Brodersen kann hoyrast her!