Badmintonliðið smasjaði seg víðari

Føroyar høvdu ongar trupulleikar við at spæla seg víðari úr sínum bólki í liðkappingini í badminton, sum hevur verið í dag.

Fyrsti dysturin var ímóti Ynys Môn fyrrapartin, og føroyingarnir vunnu allar fimm dystirnar. Tað gjørdu teir eisini, tá Caymanoyggjarnar bjóðaðu av eftir døgurða.

Síðsti dysturin var ímóti Guernsey, og har var sama søga. Asbjørn Olsen og Christian Berg Petersen settu punktum við seinasta dystinum, og Føroyar vunnu 5-0.

Allir teir føroysku spælararnir vóru á vøllinum í dag, og Føroyar skal spæla hálvfinalu ímóti Menorka í morgin fyrrapart.