Ný Kaledonia verður nú statur

- Folkavald í Ný Kaledonia og umboð fyri Frakland eru vorðin samd um eina søguliga avtalu, skrivar franski forsetin.

Avtalan inniber, at oyggjarnar framvegis eru franskar, men verða at roknað sum ein statur.

- Tíðin er nú komin til virðing, støðugleika og at savnast um at byggja eina felags framtíð, skrivar Emmanuel Macron víðari á X.

Í fjør vóru ógvuslig mótmæli í Ný Kaledonia, har fleiri fólk lótu lív. Mótmælini komu í kjalarvørrinum av, at Frakland hevði samtykt eina nýggja lóg, sum gav fransmonnum, sum høvdu búð í Ný Kaledonia í 10 ár, atkvøðurætt í Ný Kaledonia.

Tey, sum vóru ímóti hesum, hildu, at lógin var ein hóttan ímóti ræðinum hjá upprunafólkunum.

Ný Kaledonia