Skilir væl at uttanlandsnevndin ikki er kunnað enn

- Eg skilji væl, at uttanlandsnevndin ikki er kunnað enn. 

Tað sigur formaðurin í uttanlandsnevndini, Bjarni Hammer, nú Bárður á Steig Nielsen, formaður í Sanbandsflokkinum, hevur funnist at vantandi kunning til nevndina í sambandi við politikkin hjá landsstýrinum viðvíkjandi svartlistaðu russisku skipunum, sum hava atgongd til føroyskan sjógv.

Bjarni Hammer vísir á, at Noreg tók málið upp, eftir at løgtingið var farið í summarfrí í mai, og norsku tiltøkini komu ikki í gildi fyrr enn fyrst í hesum mánaðinum. Tí er ikki so langt fráliðið.

Melkart 2

Russiski trolarin Melkart 2 hevur verið í miðdeplinumn í seinastuni, tí hóast bæði ES og Noreg hava sett tiltøk í verk móti reiðarínum, sum eigur skipið, sleppur trolarin framvegis í føroyskan sjógv.

Hann sigur, at í Evropa gongur ES undan, tá ið ræður um revsitiltøk móti Russlandi, og so koma hini londini aftaná. Og Føroyar hava tikið undir við teimum tiltøkum, sum onnur lond hava sett í verk.

Men kunning hevur ikki verið alla tíðina.

Hoyr samrøðu við Bjarna Hammer: