Sáttmáli fyri Vørn

- Samráðingar enda jú altíð við, at partarnir møtast onkustaðni á leiðini, og tú fært ongantíð alt, tú kundi ynskt tær, men henda semjan hevur tó nakrar týðandi batar við sær, sum vit í hvussu er kunnu vera nøgd um, sigur Arnfinn Bech, formaður í Maskinmeistarafelagnum, sum í gjár skrivað undir sáttmála fyri vaktar- og bjargingarskipini hjá Vørn við Fíggjarmálaráðið.

Sáttmálin er galdandi til 30. september 2027.

Nýggi sáttmálin inniheldur eitt nýtt úrtíðarstig og ein viðbót uppá 1.000 krónur um mánaðin er ásett til maskinmeistarar, sum hava ábyrgd av aspirantum.