Útflutningurin vaksin 270 milliónir seinasta árið

Virðið á útflutningum er nakað størri nú, enn hann var fyri einum ári síðani.

Føroyar útfluttu fyri 12 milliardir og 800 milliónir krónur frá juli 2024 til juni 2025.

Tað eru slakar 270 mió. kr. meira enn frá juli 2023 til juni 2024.

Fyri fiskavørur fingust 84 milliónir krónur meira.

Útflutningurin av fóðri, fiskamjøli, lýsi og líknandi fiskaúrdráttum minkaði meira enn 1,2 milliardir krónur. 

Laksur var útfluttur fyri slakar 72 mió. kr. meira. Virðið vaks 1,2 prosent, nøgdin vaks 22 prosent.

Virðið á makreli vaks 66 prosent

Øðrvísi er við makreli.

Har er virðið vaksið 66,4 prosent, men nøgdin bara 7,3 prosent.

Fimm lond keypa vørur fyri yvir eina milliard krónur um árið úr Føroyum. 

Tey eru USA, Bretland, Russland, Danmark og Spania, skrivar Hagstovan.

Innflutningurin minkaður hálva milliard

Innflutningurin var minni.

Hann er minkaður meira enn hálva milliard, 532 mió. kr.

Innflutningurin var 10 milliardir og 500 milliónir frá juni 2024 til juli 2025.