Landsstýrismaðurin: Útlendingastovan má fáa fleiri starvsfólk

Landsstýrismaðurin ásannar, at Útlendingastovan brúkar ov langa tíð til at avgreiða arbeiðs- og uppihaldsloyvi, serliga, tá loyvini skulu leingjast.

Tað sigur Bjarni Kárason Petersen í svari til Helga Abrahamsen, løgtingsmann.

Men Útlendingastovan arbeiðir miðvíst við at styrkja innanhýsis skipanir, tryggja betri yvirlit yvir málsbyrðu og málsstøðu, menna fakligu førleikarnar á økinum, og broyta arbeiðsbýtið innanhýsis, har tað ber til, fyri at fáa málsviðgerðina at ganga skjótari, sigur landsstýrimaðurin. 

Bjarni Kárason Petersen

Bjarni Kárason Petersen

Skriva afturferðarloyvi

Arbeiðsbyrðan á Útlendingastovuni er tyngri, av tí at skipanin við uppihaldskortum av misgáum fall burtur, tá málsviðgerðin var flutt til Føroya. 

Hetta merkir, at Útlendingastovan í løtuni má skriva út afturferðarloyvi til hvønn einstakan útlending, sum ferðast úr Føroyum. 

Higartil hevur Útlendingastovan skrivað okkurt um 700 afturferðarloyvi.  

Gongd í málinum 

Løgmálaráðið hevur ofta eitt á Udlændinge- og Integrationsministeriet um at loysa hendan trupulleikan, og gongd er nú í hesum málinum, sigur Bjarni Kárason Petersen.

Men tað er greitt, at Útlendingastovan má fáa fleiri starvsfólk.

Arbeitt verður við tí, sigur landsstýrismaðurin. 

Les alt svarið her.