Ítøkiligar ætlanir um ES-hermenn í Ukraina

Ursula von der Leyen, forkvinna í ES-nevndini, sigur, at amerikanski forsetin Donald Trump var kunnaður um ætlanin um hermenn á ukrainskari jørð á fundinum í Hvítu húsunum í Washington. Tá var Trump, sambært von der Leyen, samdur við evropiskar leiðararnar, skrivar Financial Times. Fráboðanin kemur samstundis sum hon er á vitjan í londum í eystur ES, sum eru nærmast Russlandi.

Von der Leyen sigur, at arbeiðið at fáa semju í Washington gongur framá, og tað gongur væl.

USA skal veita trygd fyri ES-herdeildum, sum vera sendar inn í Ukraina.

- Trump forseti vissaði okkum um, at amerikanarar eisini vera við, sum partur av trygdini. Tað var púra greitt og var endurtikið og váttað fleiri ferðir, sigur hon í greinini hjá Financial Times. 

Tey, sum hittu Trump í Washington, skulu eftir ætlan hittast í Paris hósdagin, sambært innbjóðing frá franska forsetanum Emmanuel Macron, har samtalurnar skulu halda fram, siga tríggir diplomatar, sum hava kunnleika til ætlaninar, við Financial Times. Tey eru m.a. týski samveldirkanslarin Friedrich Merz, bretski forsætisráðharrin Keir Starmer, aðalskrivarin í Nato Mark Rutte og von der Leyen.