Form. í uttanlandsnevndini: Óvissurnar skulu lýsast so væl sum til ber

- Málið er at lýsa óvissurnar so væl sum yvirhøvur til ber.

Tað sigur Bjarni Hammer, formaður í uttanlandsnevndini hjá løgtinginum. 

Uttanlandsnevndin fór í gjár undir at viðgera lógaruppskotið um at geva landsstýrinum heimild at seta fleiri tiltøk í verk móti Russlandi. Ber tað til, verða eisini útlendskar fregnartænastur spurdar, sigur Bjarni Hammer

Ítøkiliga er ætlanin við lógaruppskotinum at seta tvey russisk reiðarí á svartalista, soleiðis at skip frá hesum reiðaríum ikki kunnu fiska við Føroyar. 

Ostankino, russiskt fiskiskip

Ostakino er eitt av skipunum, sum eru á svartalista hjá ES, Noregi og Íslandi.

Á svartalista

Talan er um reiðaríini Murman Seafood og "Norebo JSC", sum longu eru á svartalista hjá ES, Noregi og Íslandi, tí illgruni er um at skip hjá hesum feløgum eru við í njósnaravirksemi.

Undir 1.viðgerð av málinum 28.august varð ført fram, at eingi prógv eru um, at fiskiskip hjá hesum feløgum hava framt nakað ólógligt í føroyskum øki.

- Partur av viðgerðini í uttanlandsnevndini er at fáa so nógv fakta á borðið sum tilber, sigur Bjarni Hammer, formaður.

Hoyr innslag í útvarpstíðindunum: