Kanna framvegis eldsbrunan

Enn er ikki greitt, hví eldur kom í eini sethús við J.C.Svabosgøtu í Hornabø í Havn fyri einum mánaði síðani.

Politiið kannar enn málið. Endalig niðurstøða er ikki gjørd.

Men einki bendir á, at eldurin er ásettur, sigur politiið.

Fólk vóru inni, tá eldur kom í, men tey sluppu út í øllum góðum.

Eitt teirra fór tó á Landssjúkrahúsið til kanningar fyri roykeitran.

Húsini fóru illa av eldinum.