Klaksvíkar kommuna væntar 407 milliónir í inntøku næsta ár

Inntøkurnar hjá Klaksvikar kommunu næsta ár eru mettar at vera 407,1 mió. kr. 

Talið byggir á uppgerðir, sum Fíggjarmálaráðið og Taks komu við í september og á lønarvøkstur.

Raksturin er mettur at kosta 318 mió.kr., sum eru 14 mió. kr. meira enn framskrivingin fyri 2025

Avlopið er mett at blíva 69,8 mió. kr. fyri íløgur og avdráttir.

Avdráttirnir eru mettir at vera 17,8 mió. kr. 

Eftir til íløgur eru so 52 mió. kr.

Roknað er við 407,6 milliónum í skatti næsta ár. Tað eru 13,5 milliónir meira enn í ár.  

Uppskotið um fíggjarætlan fyri 2026 verður lagt fyri býráðið í kvøld.

Tveir temadagar vera til fíggjarætlanararbeiðið, 8. oktober um raksturin og 6. november um íløgurnar.

Fíggjarætlanin verður viðgjørd í fíggjarnevndini 25. november og í býráðnum 27. november.