Útflutningurin størri enn innflutningurin

Føroyar útflyta meira enn tær innflyta, visa tøl hjá Hagstovuni.

Í august var útflutt fyri eina milliard og 72,6 milliónir krónur.

Innflutt var fyri 917,7 milliónir.

Frá september í fjør til august í ár var útflutt fyri góðar 13 milliardir, sum er ein góð milliard meira enn frá 2023 til 2024.

Hagstovan skrivar, at prísurin fyri laks er lækkaður 15 prosent í tíðarskeiðinum. Men nøgdin er vaksin 12,4 prosent.

Makrelurin ger skarvslop

Annars eru fiskavørur útfluttar fyri 800 milliónir meira, ella sjey prosent. Har ger makrelurin eitt skarvslop.

Útflutningurin av makreli er heili 127 prosent størri í krónum og 63,4 prosent í nøgd. 

Føroyar útfluttu fyri 103 milliónir krónur til Russlands í august, skrivar Hagstovan. 

Útflutningurin til Russlands er størri nú, enn hann hevur verið síðani innrásina í Ukraina.