Partarnir skulu steðga krígnum nú

Eftir fundin hitti ukrainski forsetin, Volodymyr Zelenskyy, einsamallur tíðindafólk uttanfyri Hvítu húsini í Washington.

- Vit høvdu ein avriksmiklan fund. Stundin er komin til vápnahvíld og samráðinga. Vit mugu enda kríggið beinanvegin, og báðir partar skulu steðga har teir eru, segði Zelenskyy.

Donald Trump, forseti USA, hitti eisini fjølmiðlar eftir fundin í gjár. Og boðini frá honum vóru greið.

- Eftir mínum tykki skulu partarnir steðga krígnum beinanvegin. Vit halda okkum til markið har bardagarnir eru nú. Eg segði tað við Zelensky forseta og eg segði tað við Putin forseta, segði Trump.
 

Ljóðbrotið er frá Ap-tíðindastovuni.