Vikugesturin: Treiskur og trýstur

- Tað hevur verið strævið, og man hevur líkasum ikki verið ein sjálvur. So tað hevur verið undarligt.

Jens Sivar Djurhuus hevur av álvara verið í brennideplinum síðstu vikurnar, eftir at hann tók eina mynd av ljósopinum í hekkuportrinum á ferjuni Galaxy. Myndina lat hann fyrst sínum arbeiðsgevara og seinni kringvarpinum dulnevnt. Men tá ið myndugleikarnir ikki vildu taka málið upp, steig hann fram, og tað hevur verið hart fyri hann og familjuna, viðgongur hann.

Jens Sivar er bøfressur í Vági, har nógv lív var í, tá ið hann var smádrongur. Happing var gerandiskostur, minnist hann, og tað var eitt lívligt umhvørvi. Hann hevur fingist nógv við ítrótt og hevur spælt bæði hondbólt og fótbólt við VB, har hann hevur eisini hevur verið venjari.

Liðfelagarnir siga um hann, at hann var ein skjótur og treystur spælari, og sum ein segði "ein tvørur fani". Og tað treiska lyndið hevur helst verið við til, at hann ikki vildi lata málið um hekkuportrið á Galaxy fara aftur við borðinum.

- Eg vildi ikki vera skírdur lygnari.

Hoyr alla samrøðuna við Jens Sivar Djurhuus her.