Hamas útflýggjað lík av trimum ísraelskum gíslum

Líkini, sum Hamas læt Ísrael í gjárkvøldið,  eru lík av ísraelskum hermonnum, siga ísraelskir myndugleikar eftir at hava eyðmerkt tey.

Talan er um líkini av amerikanska-ísraelska 21 ára gamla Omer Neutra, 19 ára gamla Oz Daniel og 40 ára gamla Assaf Hamami. 

Allir vóru teir í ísraelska herinum.

- Tá eyðmerkingin var liðug, boðaðu umboð fyri ísraelska verjumálaráðið familjunum hjá gíslunum frá, at teirra kæru vóru flutt aftur til Ísraels, stendur í fráboðan frá IDF.

Sambært vápnaða vonginum hjá Hamas vóru líkini funnini í einum tunli har suðuri í Gasageiranum.

Síðani vápnahvíldin kom í gildi 10. oktober, hevur vápnaði vongurin hjá Hamas útflýggjað líkini av 17 deyðum ísraelskum gíslum, har ellivu vóru eftir í Gaza.

Í gjárkvøldið vóru so trý av hesum útflýggjað.