Estlendingar skulu av landinum - høvdu einki arbeiðsloyvi

Fyrrapartin í gjár var ein útlendingur tikin í Havn fyri at koyra ávirkaður.

Tað førdi til, at seks estlendingar eru bidnir um at fara úr Føroyum sum skjótast.

Og tað eru teir, tí teir arbeiddu ólógliga her. Teir eru handverkarar.

Fimm menn vóru í bilinum, sum var steðgaður, eftir at politiið fekk fráboðan frá fólki, sum hevði sæð menninar drukkið.

Funnið umboðsmann

Politiið hevur ikki funnið nakað felag her í Føroyum, sum menninir arbeiddu hjá, bara ein umboðsmann.

Menninir hava verið í Føroyum síðani september, heldur politiið.

Menninir fáa 1.000 kr. í sekt fyri at arbeiða í Føroyum uttan arbeiðloyvi.

Og tann, sum koyrdi, fær sekt fyri at koyra ávirkaður.