- Tíðindi, mentan og ítróttur
Peningastovnarnir læna meiri nú
Peningastovnarnir læna meiri nú
Í september høvdu peningastovnarnir útlán fyri 21 milliardir kr.
Serliga vinnan og síðani húsarhaldini og kommunurnar hava lænt fleiri pengar.
Mynd: Bjarni Árting Rubeksen
18.11.2025 - 10:36
Peningastovnarnir í Føroyum læna fleiri pengar út nú enn í fjør.
Útlánsvøksturin í september var átta prosent størri, roknað sum eitt tríggjar mánaða miðaltal, enn í sama tíðarskeiði í fjør, sigur Landsbankin.
Útlánsvøksturin hevur annars verið minkandi síðani ársbyrjan 2024, men er síðani fyrst í hesum árinum øktur aftur.
Føroysku peningastovnarnir høvdu útlán til føroysk viðskiftafólk fyri 21 mia. kr. í september í ár.
Í september í fjør vóru útlánini 19,3 mia. kr.
Serliga vinnan og síðani húsarhaldini og kommunurnar hava lænt fleiri pengar.
Útlánsvøksturin hjá donsku realkredittstovnunum var tvey prosent í september 2025, samaborið við september í 2024, sigur Landsbankin.
Er kopiera
Nýggjastu sendingar í ÚV
Nýggjastu sendingar í SV
