Mótmæla aftur ætlanini at hækka pensjónsaldurin

Fakfelagssamstarvið mótmælir enn einaferð, at landsstýrið ætlar at hækka pensjónsaldurin.

1. viðgerð er í løgtinginum í dag um málið at hækka pensjónsaldurin upp í 69 ár. 

Pensjónsaldurin er í løtuni 67 og eitt hálvt ár. Og longu nú er ásett, at hann verður 68 ár í 2030.

Fakfelagssamstarvið

Sjey feløg er í Fakfelagssamstarvinum. 

Við nýggja lógaruppskotinum hækkar pensjónsaldurin upp í 68 og eitt hálvt ár í 2035.

Síðani verður meira ferð sett á, og pensjónsaldurin verður 69 ár longu í 2038.

Fakfelagssamstarvið, sum umboðar feløgini Akademikarafelagð Føroya, Starvsfelagið, Føroya Lærarafelag, Heilsuhjálparafelag Føroya, Føroya Pedagogfelag, Føroyskir Sjúkrarøktarfrøðingar og Havnar Arbeiðskvinnufelag, vil halda seg til pensjónsnýskipanina frá 2014.

Hoyr innslag í útvarpstíðindunum og samrøðu við Jacob Eli S. Olsen, formann í Lærarafelagnum: