Nevndarforkvinnan: Óheppið at nevndarlimir ikki upplýsa síni áhugamál

Tað er óheppið, at fíggjarnevndarlimir ikki upplýsa um síni áhugamál, tá fíggjarnevndin viðger umsóknir um at játta pengar.

Tað sigur Eyðgunn Samuelsen, forkvinna í fíggjarnevndini, nú tað er komið undan kavi, at fíggjarnevndarlimurin Dennis Holm eisini er kassameistari í Vágs Sóknar Bygdasavni, sum fekk tilsøgn um eina millión krónur í stuðli úr fíggjarnevndini. 

Eyðgunn Samuelsen visti ikki, at tann eini fíggjarnevndarlimurin hevði stór áhugamál í verkætlanini, sum Vágs Sóknar Bygdasavn bað um pengar til. Og sjálvur sá Dennis Holm onga orsøk vera at kunna nevndina um tað.

Dennis Holm

Frítekst tagging: 

Dennis Holm

Bjarni Árting Rubeksen

Dennis Holm. (Mynd: Bjarni Árting Rubeksen)

Milliónin til maritima mentanardepilin í Vági bleiv standandi í fíggjarlógarálitinum, og samgongumeirilutin samtykti at játta pengarnar, tá fíggjarlógaruppskotið kom til atkvøðugreiðslu eftir 2.viðgerð í gjárkvøldið. 

Hoyr innslag í útvarpstíðindunum: 

Uppskotið til fíggjarlóg fyri 2026 kemur til 3.viðgerð í løgtinginum í morgin.