Henning Larsen North Atlantic vann teknikappingina um skúlan á Glyvrum

Áhugin var sera stórur, tá vinnarauppskotið til verkætlanina við Glyvra skúla varð avdúkað fríggjadagin.

Glyvra skúli, ið er ein sera vakur skúli, sum harumframt er eitt týðandi søguspor, varð teknaður av Niels Paula Hansen á Glyvrum.

Niels Pauli Hansen var útbúgvin byggifrøðingur, virkandi arkitektur, eins og hann sat í kommunu- ella sóknarstýrinum í nógv ár, harav fleiri ár sum formaður. Sethúsini hjá Niels Paula Hansen eru húsini, har ið fornminnisfelagið Forni húsast í dag.

Í hesari nýggju verkætlanini, sum varð avdúkað fríggjadagin, skulu eitt nú skúlastovur, aula og hondbóltshøll byggjast aftrat Glyvra skúla, eins og musikkskúli skal gerast í fjósinum, sum Niels Pauli Hansen bygdi skamt frá skúlanum.

Glyvra skúli, modell av vinnarauppskotinum hjá Henning Larsen North Atlantic umframt skúlan, sum Niels Pauli Hansen teknaði.jpg

Glyvra skúli, modell av vinnarauppskotinum hjá Henning Larsen North Atlantic við skúlanum, sum Niels Pauli Hansen teknaði á sinni.

 

Fimm teknistovur vóru við í kappingini

Fimm teknistovur vóru við í kappingin, og tær vóru BBP Arkitekter, Henning Larsen North Atlantic, MAP Arkitektar, SNA, og ZETA Arkitektar.

Og fríggjadagin klokkan 17 avdúkaði verkætlanarleiðarin, Sigrid Dalsgaard, vinnaran av arkitektakappingini, ið gjørdist teknistovan Henning Larsen North Atlantic.

Sigrid Dalsgaard og Ósbjørn Jakobsen.jpg

Sigrid Dalsgaard, verkætlanarleiðari, og Ósbjørn Jakobsen, arkitektur.

 

Ósbjørn Jakobsen, arkitektur og stjóri á teknistovuni, sigur, at tey hava lagt seg eftir at tekna ein skúla, sum tekur atlit at og virðir verandi Glyvra skúla eins og fjósið, sum verður musikkskúli.

Harumframt hevur teknistovan eisini lagt seg eftir, at teir nýggju bygningarnir ikki tykjast ov stórir, men eru lagaðir til verandi bygningar, landslag og grannalag.

Í hesari frásøgnini tosa vit við Ósbjørn Jakobsen frá Henning Larsen North Atlantic og Sigrid Dalsgaard, verkætlanarleiðara.

Til ber at hoyra frásøgnina her:

 

 

Glyvra skúli, modell av uppskotinum hjá BBP Arkitekter.jpg

Uppskotið ha BBP Arkitekter

Uppskotið hjá BBP Arkitekter

Uppskotið hjá SNA

Uppskotið hjá SNA

Uppskotið hjá MAP Arkitektum

Uppskotið hjá MAP Arkitektum

Uppskotið hjá ZETA Arkitektum

Uppskotið hjá ZETA Arkitektum