Jens-Frederik Nielsen: Samrøður og diplomati eru rætta leiðin

Formaðurin í grønlendska landsstýrinum, Naalakkersuisut, Jens-Frederik Nielsen, hevur gjørt viðmerkingar til søguliga fundin í Washington í gjár millum USA, Danmark og Grønland. 

Hann skrivar á Facebook, at fundurin var í einum "álvarsomum, men konstruktivum tóna," sum hann tekur til, og "semja er um at seta eina arbeiðsbólk," skrivar hann.

Á fundinum var semja um at seta ein arbeiðsbólk, sum skal arbeiða víðari við ósemjunum millum partarnar. Og hetta sigur Jens-Frederik Nielsen vera eit "týdningarmikið stig."

- Samrøður og diplomati eru rætta leiðin, eisini tá áhugamálini eru stór, og partarnir eru undir trýsti, skrivar grønlendski landsstýrisformaðurin. 

Hann tekur uppaftur, at Grønland er ikki til sølu, USA skal ikki eiga Grønland, USA skal ikki stýra Grønlandi, og Grønland vil ikki vera partur av USA.

Les uppslagið hjá Jens-Frederik Nielsen, sum bæði er á grønlendskum og donskum, her: