Mentanargrunnurin latið starvslønir og íverksetarastuðul

Nevndin í Mentanargrunni Landsins hevur gjørt av at lata starvsløn og íverksetanarstuðul til listaligt og mentanarligt arbeiði fyri 2026. 

Barbara í Gongini, sum er listafólk, fær starvsløn í 12 mánaðir, og Anna Katrin Ø. Egilstrøð, tónaskald, og Kim Simonsen, rithøvundur, fáa starvsløn í seks mánaðir, og Ingun Christensen, sum eisini er rithøvundi, fær starsvløn í fýra mánaðir.

Harumframt fingu 57 umsøkjarar starvsløn í ávikavist ein, tveir og tríggjar mánaðir.

97 umsóknir

Grunnurin fekk íalt 97 umsóknir, og søkt var um starvsløn fyri slakar 25 milliónir krónur. Av hesum vóru 61 umsóknir játtaðar, og játtaðar vóru 107 mánaðarlønir fyri tilsamans 4,5 milliónir krónur.

Starvslønin verður latin eftir løgtingslóg og kunngerð um Mentanargrunn landsins, og tað er nevndin í grunninum, sum metir um umsóknirnar. Starvslønin svarar til læraralønina á lønarstigi 21, og so vera 15 prosent løgd aftrat í eftirløn.

Íverksetanarstuðul

Umframt starvslønina hevur Mentunargrunnurin latið íverksetanarstuðul til fýra listafólk.

Hans Haldór Poulsen, tónleikari, Maibritt Marjunardóttir, listhandverkari, Uni Debess, tónleikari og Theodor Kapnas, ið eisini er tónleikari, hava fingið játtað verkætlanarstuðul uppá 75.000 krónur

Endamálið við íverksetanarstuðuli er at stuðla einstaka skapandi yrkislistafólkinum, serliga ungum listafólki, og stuðulin skal lætta um hjá evnaríkum listafólkum at koma víðari við teirra skapandi listaarbeiði.

19 umsóknir vóru um íverksetanarstuðul.